Hallir Fasteignamiðlun ehf. kynnir í samstarfi við Borgarskjól og Hoffell ehf. nýjar íbúðir í einkasölu að Brákasundi 5, Borgarnesi: 
Um er að ræða einingahús að skandinavískri fyrirmynd og er Hoffell ehf í samstarfi við arkitektastofuna Urbanhus í Noregi sem hannar útlit húsanna í samstarfi við arkitekta á Íslandi. 
Við hönnun og framleiðslu á húsinu er lögð áhersla á  að húsin séu umhverfisvæn. Öll byggingarefni hússins koma frá Noregi og eru með sjálfbærnivottanir. 
Hagræðing á orkunýtni skilar sér í loftskiptakerfi með sem tryggir loftgæði hússins. Um leið verður hitastjórnun í húsinu betri og tryggir umtalsverðan orkusparnað. Það er ekki er þörf á að opna glugga og því berst ekki inn í húsið hljóð og ryk þannig að sparnaður verður einnig í þrifum.
Vel er vandað við bruna- og hljóðhönnun hússins. Hljóðvist milli íbúða hefur verið mæld af hljóðvistarráðgjöfum og eru niðurstöður jákvæðar og vel innan við viðmiðunarmörk. Timburklæðning hússins er heit meðhöndluð kjarnafura með brunavörn sem er viðhaldslítið efni og má grána með tímanum. 
Staðsetning íbúðanna er mjög góð innan Borgarness ásamt því að íbúðirnar hafa allar einstakt sjávarútsýni.
Hægt er að nálgast handbók hússins á netfangingu [email protected] en það er ítarleg lýsing á byggingarefnum, frágangi, tækjum og fleira.
Íbúðin er laus  til afhendingar við kaupsamning.

Nánari lýsing eignar:
Fjórar þriggja herb. íbúðir eru í húsinu, hver íbúð er 91,9 fm, en til viðbótar er sameiginlegt inntaksrými á jarðhæð sem er 2,7 fm. 
Hver íbúð skiptist í anddyri, baðherbergi, þvottahús, tvö svefnherbergi ásamt alrýmis stofu og eldhúss með útgengi út á svalir á efri hæð eða hellulagðan sér afnotarétt á neðri hæð. Íbúðirnar á efri hæð hafa aukna lofthæð í alrými. 
Íbúðirnar fjórar skilast fullfrágengnar með gólfefnum. Baðherbergi, þvottahús og anddyri eru með flísalögð gólf og veggir baðherbergis flísalagðir að hluta. Önnur gólf eru parketlögð. Innréttingar, þ.e. eldhús, bað og skápar í herbergi og við inngang eru frá HTH og keypt í Ormsson. Eldhústæki eru af gerðinni AEG frá Ormsson. Þvottahús eru óinnréttuð með tengingu fyrir þvottavél og þurrkara.
Húsið er byggt úr timbureiningum með steyptum undirstöðum og er reist á staðsteypta plötu. 
Húsið er með 6 bílastæðum hinumegin við götuna móts við húsið, en 2 bílastæði eru við hlið húss, alls 8 bílastæði.
Bílastæði við hlið húss eru ekki séreign neinnar íbúðir. Íbúðirnar eru tilbúnar til afhendingar við kaupsamning.
Gluggarnir eru áltré gluggar, svartir að utan en hvítmálaðir að innan. Útidyrahurðir eru með 3 punkta læsingu frá Gilje og eru svart málaðar að innan og utan.
Lóðin er þökulögð en hellulagt er að framan móts við innganga og við stiga. Sérafnotareitir eru hellulagðir. Bílastæði hinum megin við götu eru malbikuð. Lögð eru ídráttarrör frá inntaksrými að bílastæðum fyrir mögulega rafhleðslu við bílastæði og skilast lóðin án frágangs hleðslustöðva. Sorptunnuskýli eru utandyra og sameiginleg.
Frábær staðsetning og einstakt sjávarútsýni
Nánari upplýsingar veitir Heiða, löggiltur fasteignasali í síma 7791929 eða á netfanginu [email protected].

Forsendur söluyfirlits: 
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak. 

Skoðunarskylda: 
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Vill Hallir Fasteignamiðlun ehf því benda væntanlegum kaupendum á að kynna sér vel ástand fasteigna fyrir kauptilboðsgerð og leita til þar til bærra sérfræðinga um nánari skoðun ef þurfa þykir.

Gjöld sem kaupandi þarf að standa straum af vegna kaupanna:
1. Stimpilgjald af kaupsamningi, fyrstu kaup (0,4%), almenn kaup (0,8%), lögaðilar (1,6%) af heildarfasteignamati.
2. Þinglýsingargjald af kaupsamningi, veðskuldabréfi, mögulegu veðleyfi o.fl. - kr. 2.700 af hverju skjali.
3. Lántökugjald lánastofnunar er skv. verðskrá viðkomandi lánastofnunar. Nánari upplýsingar á t.d. heimasíðu lánastofnana.
4. Umsýslugjald til fasteignasölu skv. kauptilboði.